Petropavlda sý tasqyny qaýpi báseńdedi
PETROPAVL. QazAqparat - Petropavlda sý tasqyny qaýpi báseńdedi, dep habarlady «Qzgıdromet» RMK Soltústik Qazaqstan oblysy boıynsha fılıalynan.
Aýa raıyn boljaýshylardyń málimetteri boıynsha, Esil ózenindegi sý deńgeıi sońǵy táýlikterdegi baqylaý boıynsha burynǵydaı qalyp otyr.
«Petropavlda sý tasqyny bıik deńgeıge jetti. Bir táýlikte sý deńgeıi 1093 sm-den 1094 sm-ge deıin kóterildi», - dep habarlady «Qazgıdromet» fılıaly.
Aqmola oblysy aýmaǵynan quıylyp jatqan mol sýǵa baılanysty Aqqanburlyq ózenindegi sý deńgeıiniń kóterilýi baıqalady.
Dolmatovo aýyly mańynda da Esil ózenindegi sý deńgeıi joǵarylady. Onda táýligine 28 sm-ge kóterilip, 1362 sm-di qurady.
Turǵyn úılerdi sý basý oqıǵasy tirkelgen joq.
