Petropavlda sý tasqynyna qarsy jumys barysynda elýge jýyq myltyq uńǵysy tabyldy
PETROPAVL. KAZINFORM – Petropavldaǵy Zarechnyı kentinde jumys istep jatqan áskerı qyzmetshiler myltyq uńǵylaryn úı irgetasynan taýyp alǵan.
Soltústik Qazaqstan oblysy polıtsııa departamenti baspasóz qyzmetiniń málimetinshe, Zarechnyı kentinde áskerı qyzmetshiler bógetterdi nyǵaıtyp jatyr. Qapshyqtarǵa qum-balshyq salý kezinde olar úıdiń eski irgetasynan shyǵyp turǵan myltyq uńǵysyn kórgen.
Osy ýchaskede kezekshilik atqarǵan polıtseıler irgetasty buzyp, nátıjesinde odan 46 myltyq uńǵysy men ańshylyq qarýdyń bólshekterin alyp shyqty.
Tártip saqshylary olardy qaptarǵa salyp, qaıyqpen sýdan alyp ótip, Petropavl qalasynyń polıtsııa basqarmasyna jetkizdi. Betondy kim jáne qaı jyldary erekshe tásilmen shegendegeni endi tekserý barysynda anyqtalmaq.
Buǵan deıin SQO-daǵy Bolshaıa Malyshka aýylynyń turǵyndary sý tasqynyna baılanysty qaýipsiz jerge shyǵaryla bastaǵanyn jazǵan edik.