Petropavlda sý qubyry jarylyp, jekemenshik sektor sýsyz qaldy

PETROPAVL. QazAqparat – Petropavl ákimi Rýslan Ańbaev qaladaǵy sý qubyry zaqymdalǵanyn, sol sebepti birneshe yqshamaýdandaǵy jeke sektorlarda sý berý toqtatylǵanyn málimdedi, dep habarlaıdy QazAqparat tilshisi.

Qala basshysynyń aqparaty boıynsha, 314-shi Atqyshtar dıvızııasy kóshesine jaqyn temirjol mańyndaǵy sý qubyry zaqymdalǵany týraly tańerteń belgili boldy. «Qyzyljar sý» JShS apat brıgadasy qubyrdy bitep jatyr.

«Qubyrdy bitep bolǵannan keıin mamandar birden zaqymdalǵan jerdi jóndeýge kirisedi. Sý bóletin munaralar men Jumysshylar aýyly Pýgacheva kóshesindegi jer úılerdi, vokzal aımaǵy men «Bereke» yqshamaýdanyn sýmen qamtý ýaqytsha toqtatylady, olarǵa aýyz sý jetkiziledi. Bul máseleni men jeke qadaǵalap otyrmyn», - dep pikir bildirdi Rýslan Ańbaev.

Petropavlda bıyl qysta sý qubyry birinshi ret jarylyp turǵan joq. Eń keıingisi jeltoqsan aıynda dál osy 314-shi Atqyshtar dıvızııasy kóshesinde, temirjolǵa jaqyn mańda bolǵan edi.

Olesıa Jýkoven