Petropavlda sý qubyry apatynyń sebebi anyqtalýda
Qalanyń túrli aýdandarynda 1 qańtar kúni tańerteń sý berilý toqtaǵan. Birneshe saǵattan keıin sýmen jabdyqtaýdy qalpyna keltirdi. Alaıda, áleýmettik jeli qoldanýshylary búgin de sýdyń bolmaýyna nemese sý qysymynyń tómen ekendigine shaǵymdanýda. Bul Jumabaev, Abaı jáne Internatsıonalnyı kósheleriniń aýmaǵynda Petropavl ortalyq sý qubyrlarynyń birindegi apatqa baılanysty bolǵan.
«Qyzyljar sý» JShS baspasóz qyzmeti kútpegen apattyń saldarynan 5 turǵyn úıde sýyq sýdyń berilýi toqtaǵanyn habarlady. Taǵy 10 turǵyn úıde qysymnyń tómendeýine baılanysty sýdyń kúshi tómendegen jáne 1-3 qabattarǵa ǵana sý kelgen.
«Lezde sý jetkizý uıymdastyryldy. 3 qańtarǵa qaraı barlyq 10 turǵyn úıge sý jetkizildi. Búgingi tańda barlyq úılerde sý bar», - dep málim etti «Qyzyljar sý» JShS-nyń baspasóz hatshysy Ázıza Tabeeva.
Onyń aıtýynsha, apatty joıýǵa 50 qyzmetker jumyldyrylǵan. Qazirgi tańda mamandar apattyń sebebin anyqtaýda.
