Petropavlda sý astynda qalǵan úılerdiń tek tórtten biri jóndeýge jaramdy

PETROPAVL. KAZINFORM – Petropavlda tasqynnan keıin buzylyp, apatty dep tanylǵan úıler súrilip jatyr.

Petropavl qalasy ákimdiginiń málimetinshe, oblys ortalyǵynda turýǵa jaramsyz 1600-ge jýyq úı buzylady. Al qalǵandary kúrdeli jóndelip, qalpyna keltiriledi. 500-den astam úıdiń 127-sin qazirgi ýaqytta turǵyndar ózderi jónge keltirip jatyr.

Al, apatty dep tanylǵan úılerdi buzyp, qoqysty shyǵarýǵa mehanıkalyq brıgadalar tartylǵan. Birinshi kezekte baspana alǵan azamattardyń úıleri súrilip jatyr. Olardyń ornyna aǵash otyrǵyzylady. Al sý basqan aımaqta jańadan qurylys salýǵa tyıym salynady.

«Qazirgi ýaqytta ákimdikke turǵyndardan páter alýǵa myńǵa jýyq ótinish tústi. Al «Birlik» shaǵyn aýdanynan úı alýǵa 420 ótinish bar. Aptanyń sońyna deıin taǵy da 47 baspana osy aýdannan turǵyndarǵa beriledi», - deıdi Petropavl qalalyq ákimdiginiń baspasóz hatshysy Ásem Aıtýlova.

Buǵan deıin Petropavldan Shymkentke aptasyna eki ret turaqty áýe reısi ashylǵanyn jazǵan edik.