Petropavlda sot ǵımaratynyń janynda «Otbasy» monýmenti ashyldy
ASTANA. QazAqparat - Soltústik Qazaqstan oblysynyń kámeletke tolmaǵandardyń isteri jónindegi mamandandyrylǵan aýdanaralyq soty ǵımaratynyń janynda januıaǵa arnalǵan «Otbasy» monýmentiniń saltanatty ashylýy ótti, dep habarlaıdy QazAqparat.
Soltústik Qazaqstan oblystyq oblystyq sottyń tóraǵasy Erlan Aıtjanov atap ótkenindeı, «Otbasy» monýmentiniń kámeletke tolmaǵandardyń isteri jónindegi sottyń janynda ornalasqany kezdeısoq emes. Óıtkeni dál osy sot balalar men otbasynyń múddelerin qorǵaıdy.
Oblystyq sottyń azamattyq ister jónindegi sot alqasynyń tóraǵasy Baqyt Qaseıinov monýmenttiń ashylýymen barlyq qatysýshylardy quttyqtap, onyń kámeletke tolmaǵandardyń quqyqtary men zańdy múddelerin qorǵaýdyń sımvolyna aınalýyn tiledi.
Shara «Otbasy - qazaqstandyq qoǵamnyń negizi» taqyrybyndaǵy ǵylymı-praktıkalyq konferentsııamen jalǵasty. Oǵan qatysýshylar «Otbasy - qoǵamnyń rýhanı-adamgershilik turaqtylyǵynyń negizi» prezentatsııasymen tanysyp, «Bóten balalar bolmaıdy. Balalardy qorǵańdar» beınerolıgin tamashalady.
