Petropavlda sońǵy 23 jyl ishindegi eń iri sý basý oqıǵasy tirkelip otyr
ASTANA. QazAqparat - Soltústik Qazaqstan oblysyndaǵy sý tasqyny ahýaly kúrdeli bolyp tur, dep habarlaıdy «QazAqparat» HAA tilshisi QR ІІM TJ komıtetiniń resmı ókili Rýslan Imanqulovqa silteme jasap.
Petropavl aýmaǵynda Esil ózenindegi sýdyń deńgeıi shyrqaý shyńyna jetip, sońǵy 23 jylda bolmaǵan kórsetkishti kórsetti. Dál osyndaı kórsetkish SQO-da 1980 jyldan keıin sońǵy ret 1994 jyly bolǵan.
25 sáýir kúni túngisin oblys ortalyǵynda Esil ózenine jaqyn ornalasqan kentterdegi 122 turǵyn úıdi sý basty. Dál osyndaı qıyn jaǵdaı Kojevennyı zaýyty kentinde oryn alyp, 115 úı sý astynda qalsa, Zarechnyı kentinde 3 úıdi jáne Permınovyı kóshesindegi («Qyzyljar Sý» JShS aýdany) 4 úıdi sý basty. Atalmysh tótenshe jaǵdaıdy aýyzdyqtaý úshin jáne evakýatsııalyq is-sharalar júrgizý úshin SQO TJD, SQO boıynsha QR ІІM TJK Apatty medıtsına ortalyǵynyń mamandary, QR Ulttyq gvardııasy №6637 áskerı bóliminiń áskerı qyzmetkerleri jumyldyryldy.
