Petropavlda sońǵy kúnderi úsh áıel joǵary qabattan qulady
PETROPAVL. KAZINFORM – Petropavlda 73 jastaǵy áıel altynshy qabattan qulap ketti.
Soltústik Qazaqstan oblystyq polıtsııa departamenti baspasóz qyzmetiniń málimetinshe, oqıǵa búgin tańerteń bolǵan. "102" arnasyna Petropavldaǵy Abaı kóshesinde ornalasqan úıdiń kireberisiniń shatyryna 6 qabattan áıeldiń qulaǵany týraly habarlama kelip tústi. Jedel járdem qyzmeti kelgenshe zeınetker oqıǵa ornynda kóz jumdy.
Tártip saqshylary mert bolǵan áıeldiń 73 jastaǵy zeınetker ekenin anyqtady. Atalǵan fakti boıynsha qylmystyq is tirkeldi, bolǵan oqıǵanyń sebebi men mán-jaıy anyqtalyp jatyr.
Petropavlda sońǵy kúnderi áıelderdiń kópqabatty úılerden qulaý jaǵdaılary jıilip ketti.
3 qańtar kúni Ekinshi Zarechnaıa kóshesindegi kópqabatty úıdiń úshinshi qabattaǵy terezesinen 52 jastaǵy áıel qulady. Dárigerler onyń ómirine arasha túse almady. Bul fakti boıynsha da polıtsııa tergeý júrgizip jatyr.
Onyń aldynda, 21 jeltoqsanda Petropavldaǵy Gogol kóshesindegi kópqabatty úıdiń tórtinshi qabatynan 35 jastaǵy áıel qulap tústi. Aýyr jaraqat alǵan ol emdeý mekemesine jetkizildi. Oblystyq densaýlyq saqtaý basqarmasy baspasóz qyzmetiniń málimetinshe, aman.
Bul is boıynsha da tergeý júrip jatyr.
Buǵan deıin Petropavlda kózine pyshaq kirgen balanyń isi jańa bap boıynsha tergelip jatqanyn jazǵan edik.