Petropavlda skýter júrgizýshisi jeńil avtokólikke soqtyǵysyp, qaza tapty
PETROPAVL. QazAqparat – Petropavlda skýterdiń 43 jastaǵy júrgizýshisi jeńil avtokólikpen soqtyǵysyp, kóz jumdy, dep habarlaıdy «QazAqparat» HAA tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, jol-kólik oqıǵasy Osıpenko jáne Qazaqstan Konstıtýtsııasy kósheleriniń qıylysynda tirkelgen.
«Honda fit» avtokóliginiń 32 jastaǵy júrgizýshisi Karavannaıa kóshesimen Osıpenko kóshesine qaraı júrip kele jatyp, rólge ıe bolmaı qalǵan. Sonyń saldarynan jolaıryqta skýter men Qazaqstan Konstıtýtsııasy kóshesinde toqtap turǵan «Chevrolet Aveo» avtokóligine soǵylǵan», - dedi baspasóz qyzmetindegiler.
Oqıǵa boıynsha sotqa deıingi tergeý júrgizilip jatyr.
Qajetti saraptamalar taǵaıyndaldy.
Jyl basynan beri óńirde 97 jol-kólik oqıǵasy tirkelip, sonyń saldarynan 11 adam kóz jumǵan, 128 adam jaraqat aldy. Dál osy ýaqyt aralyǵynda polıtseıler oblystyń joldarynda 50 myń jol erejesin buzý faktisin anyqtaǵan. Mas kúıinde rólge otyrǵan 790 júrgizýshi ustaldy. 5 myńnan astam quqyq buzýshylyqtar jyldamdyqty asyrýmen baılanysty.
Avtor: Olesıa Jýkoven
