Petropavlda synyptastaryn baltalaǵan jasóspirimge úkim shyqty

Petropavlda mektepke qarýlanyp kelip, úsh balany jaraqattaǵan jasaóspirim isine núkte qoıyldy. Alqa bılerdiń qatysýymen ótken sotta oqýshylardy óltirýge oqtalǵan kámelet jasyna tolmaǵan bala kináli dep tanylyp, 6 jyl 9 aıǵa sottaldy, dep habarlaıdy Kazinform.

Soltústik Qazaqstan oblystyq prokýratýrasynyń málimetinshe, búgin SQO qylmystyq ister jónindegi mamandandyrylǵan aýdanaralyq sotynda alqa bılerdiń qatysýymen kámelet jasyna tolmaǵan D.-ǵa qatysty is qaralyp, aıyptaý úkimi shyqty. Jasóspirim oqýshylarǵa qastandyq jasap, óltirýge oqtalǵany úshin kináli dep tanyldy.

Memlekettik aıyptaýshy men alqa bılerge onyń kinásin dáleldeıtin faktiler, onyń ishinde bolǵan oqıǵanyń beınejazbasy usynyldy.

Alqa bılerdiń úkimimen D. Qylmystyq kodekstiń 24-baby 2-bóligi, 99-baby boıynsha 6 jyl 9 aıǵa bas bostandyǵynan aıyryldy. Ol jazasyn kámeletke tolmaǵandarǵa arnalǵan túzetý kolonııasynda óteıdi.

Úkim zańdy kúshine engen joq.

Esterińizge salaıyq, oqıǵa aqpan aıynda Petropavldaǵy №4 orta mektepte tańerteń boldy. Osy oqý ordasynyń 9-synyp oqýshysy sómkesine tyǵyp, ózimen birge as úıde qoldanylatyn balta men pyshaqty ala kelgen.

Keıin betine betperde kıip, qarsy shyqqan úsh jasóspirimdi jaraqattady. 

Osy tótenshe jaǵdaıǵa baılanysty sotqa deıingi tergeý júrgizildi. Jasóspirimniń aqyl-esiniń durystyǵyn anyqtaý úshin onymen mamandar jumys istedi. Saraptama jumystary jasóspirimniń óz isine jaýap bere alatynyn kórsetti.