Petropavlda Shoqyný merekesinde 130-dan astam tártip saqshysy kezekshilik etýde

PETROPAVL. QazAqparat – Soltústik Qazaqstan oblysynda Shoqyný merekesine oraı ózen-kólderde jasalǵan oıyqtar mańynda tártip saqshylary kezekshilik atqaryp jatyr, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, pravoslavtyqtardyń meıramyna oraı Petropavl qalasynda jáne oblystyń 9 aýdanynda Esil ózeni men kólderde 43 oıyq jasaldy. Ol jerlerde qoǵamdyq tártip pen jol qozǵalysy qaýipsizdigin qamtamasyz etý maqsatynda polıtsııanyń 274 qyzmetkeri jáne 25 qyzmettik avtokólik jumyldyryldy.

Petropavlda qala turǵyndary eki jerde sýǵa shomylyp, úılerine sý ala alady. Onyń biri – Rechnoı port aýdanynda ornalassa, ekinshisi Podgora yqsham aýdany jaqtaǵy qalalyq jaǵajaıda.

SQO PD jergilikti polıtsııa qyzmeti basqarmasynyń bastyǵy Aıdyn Baımatovtyń aıtýynsha, Petropavl qalasynda tańǵy saǵat 7.00-den bastap bul eki orynda qutqarýshylar, jedel járdem qyzmetkerlerimen birge 132 polıtseı kezekshilik atqaryp júr. Bıyl muzdyń jyldaǵyǵa qaraǵanda juqa bolýyna baılanysty qutqarýshylar men polıtseıler halyqtyń qaýipsizdigine basa mán berip, olardyń oıyq mańyna kezekpen barýyn qadaǵalaýǵa alǵan. Arnaıy qyzmetter ózen-kól basynda oqys oqıǵaǵa jol bermeý úshin kisi aıaǵy basylǵansha kezekshilik etedi.