Petropavlda sheneýnik qala turǵynyn úı kezeginen zańsyz alyp tastaǵan
PETROPAVL. QazAqparat – Petropavlda Ádep jónindegi keńes qala turǵynyn úı kezeginen zańsyz alyp tastaǵan laýazymdy tulǵanyń isin qarap, ony tártiptik jazaǵa tartýdy usyndy, dep habarlaıdy «QazAqparat» HAA tilshisi.
SQO boıynsha memlekettik qyzmet isteri departamenti baspasóz qyzmetiniń málimetinshe, Ádep jónindegi keńeste Petropavl qalalyq ákimdiginiń laýazymdy tulǵasyna qatysty tártiptik is jáne 6 másele qaraldy.
Petropavl qalasynyń turǵyny memlekettik turǵyn úı qorynan úı alý úshin kezekke turǵan. Alaıda turǵyn úı komıssııasynyń quramynda bolǵan sheneýnik ony bul kezekten alyp tastaǵan. Qala turǵyny óz quqyǵyn qorǵaý úshin sotqa berip, Petropavl qalalyq № 2 soty turǵyn úı komıssııasynyń bul sheshimin joqqa shyǵaryp, ony zańsyz dep tanydy.
Ádep jónindegi keńestiń pikirinshe, laýazymdy tulǵa teris qylyq jasap, memlekettik qyzmettiń bedeline nuqsan keltirdi. Іsti qaraı kele keńes músheleri Petropavl qalasynyń ákimine memlekettik qyzmetshige tártiptik jaza qoldanyp, ony qyzmetinen tómendetýdi usyndy. Al tómen turǵan memlekettik qyzmet orny bos bolmaǵan jaǵdaıda zańǵa súıene otyryp, sheneýnikke qyzmetine tolyq saı kelmeýi týraly eskertý berý usynyldy.
Keńeste sondaı-aq, SQO-daǵy memlekettik organdardyń tártiptik komıssııalarynyń jarty jyldaǵy jumysy qorytyndylandy. Hatshylyq bergen aqparatqa súıensek, jyl basynan ákimshilik memlekettik qyzmetshilerge qatysty 301 tártiptik jaza qoldanylǵan. Bul 2019 jyldyń osy kezeńimen salystyrǵanda 20,7 % tómen.
