Petropavlda shegingen júk kóligi turaqta turǵan eki kólikti soqty
PETROPAVL. QazAqparat – Petropavlda júk kóliginiń júrgizýshisi kásiporyndardyń biriniń avtoturaǵynda turǵan eki jeńil kólikpen soqtyǵysyp, zaqym keltirdi, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqys oqıǵa 5 maýsym kúni bolǵan. «ZIL 431410» júk kóliginiń 56 jastaǵy júrgizýshisi sheginip jatyp, rýlge ıe bola almaı qalǵan. Saldarynan «Qyzyljar Sý» AQ avtoturaǵynda turǵan jeńil kólikterdi soqtyǵysty.
Qatty soqqydan «Volkswagen Golf» avtokóligi beton qorshaýdy tesip ótken. Sondaı-aq «Ravon» kóligine de zaqym keldi.
Adamdar zardap shekken joq. Júk kóliginiń júrgizýshisi ishimdik ishpegeni anyqtaldy.
«ZIL 431410» júk kóliginiń júrgizýshisine qatysty ákimshilik materıal jınaldy. Protsessýaldyq sheshim qabyldaý úshin is Petropavldyń mamandandyrylǵan ákimshilik sotyna jiberiledi.
Oqıǵa beınekameraǵa túsip qaldy. Jazba áleýmettik jelige taralyp ketti.
