Petropavlda Segiz seriniń 200 jyldyǵyna arnalǵan festıval ótti
PETROPAVL. QazAqparat - Petropavlda Segiz seriniń 200 jyldyǵyna arnalǵan ІІ respýblıkalyq «Gaýhar tas» orkestrler men ulttyq aspaptar ansambliniń festıvali ótýde, dep habarlaıdy «QazAqparat» tilshisi.
Óńirlik kommýnıkatsııa qyzmetiniń aqparatyna sáıkes festıvalǵa elimizdiń 5 oblysynan 300-deı ártis qatysýda.
«Festıvaldiń mańyzy men ereksheligi - shyǵarmashylyq ujymdardyń ózara baılanysy men ary qaraı ósýinde. SQO fılarmonııasynyń Segiz seri atyndaǵy kontserti keshtiń ashylý saltanatynyń eń keremet týyndysy boldy», - deıdi orkestr jetekshisi Qaıyrly Ǵafýrov.
Astana qalasy fılarmonııasynyń halyq mýzykasy ansambliniń jetekshisi Toǵjan Jahın mundaı festıvalderdi ótkizýdi uıymdastyrýshylardyń tarapynan úlken batyldyq qajet etetindigin erekshe atap ótti.
Festıvalge Soltústik Qazaqstan oblystyq fılarmonııasynyń solısi Muhıt Ahmetov alǵash ret qatysty.
«Bizdiń ulttyq ánderimiz ben kúılerimiz, ulttyq shyǵarmalaryz jas urpaq óz tamyrlaryn umytpaýy úshin qajet. Sońǵy jyldary Segiz seri shyǵarmashylyǵymen aınalysatyn ǵalymdar kóptegen halyq ánderiniń Segiz serige tıesili ekendigin dáleldep berdi. Endi ony kóp adam biletin bolady»,-deıdi M.Ahmetov.
Festıval aıasynda 4 kontsert ótti. Kesh sońy aýqymdy gala-kotsertke ulasty.
