Petropavlda saıabaqtan áıeldiń denesi tabyldy

PETROPAVL. KAZINFORM – Petropavldaǵy saıabaqtan jas áıeldiń denesi tabyldy.

Soltústik Qazaqstan oblysy polıtsııa departamentiniń málimetinshe, oqıǵa 26 qańtar kúni bolǵan.

- Petropavl qalasyndaǵy saıabaq aýmaǵynda oblys ortalyǵynyń 31 jastaǵy turǵynynyń múrdesi tabyldy. Aldyn ala málimet boıynsha, áıel sýıtsıd jasaǵan. Ózin-ózi óltirýge eshkimdi kinálamaý týraly ólim aldyndaǵy haty tabyldy. Sýıtsıd faktisi boıynsha qylmystyq is tirkeldi. Mán-jaıy men sebepteri anyqtalyp jatyr, - dedi baspasóz qyzmetindegiler.

Buǵan deıin Petropavlda jeńil kólik kóshede qazylǵan shuńqyrǵa túsip ketkenin jazǵan edik.

Al 26 qańtar kúni Petropavlda aǵash materıaldaryn satatyn kásiporynda órt shyǵyp, aǵash artylǵan eki júk kóligi garajben birge janyp ketti.