Petropavlda resýrstyq robototehnıka ortalyǵy ashyldy
PETROPAVL. QazAqparat - Petrpavl qalasyndaǵa S.Muqanov atyndaǵy oblystyq kitaphanada «Makerspace» resýrstyq robototehnıka ortalyǵy ashyldy, dep habarlaıdy «QazAqparat» HAA tilshisi.
«Bul ortalyq jalpy bilim beretin mektepterge óte qajet. Munda balalarmen qatar eresekterge de arnalǵan quraldar bar. Atap aıtar bolsa, elektrondyq qurylǵylardy qashyqtyqtan qosýǵa múmkindik beretin arnaıy aspaptar bar, bul mıkrobaqylaý arqyly túrli dúnıeler jasaýǵa bolady», - deıdi Nazarbaev Zııatkerlik mektebindegi ınformatıka pániniń muǵalimi Vıtalıı Melnıkov.
Qajetti oqýlyqtar men qurylǵylardy kitaphanaǵa Qazaqstandaǵy AQSh Elshiligi jetkizip bergen. Ortalyqta «Baǵdarlamalaý negizderi» fakýltatıvtik kýrstaryn kúsheıtý josparlanǵan.
Kitaphana qyzmetkerleri «Makerspace» ortalyǵyna kez-kelgen adam kele alatynyn aıtady. Ázirge sabaqtar tálimgerdiń kómegimen aptasyna eki márte uıymdastyrylady. Eger sabaqqa degen suranys joǵary bolsa, kitaphana robototehnıka sabaqtaryn kún saıyn ótkizbek.
Meıkerler qozǵalysy AQSh pen Reseıda jaqsy damyǵan. Qazaqstanda 2015 jyly paıda bola bastady. Ondaǵy basty maqsat - kez kelgen adam elektrondyq zattardy óz qolymen jasap úırenedi. Meıkerlerdiń eń kóp áýestenetin dúnıeleri robototehnıka, elektronıka, 3D-kóshirmeler, beıne oıyndar jasaý jáne osyǵan uqsas basqa da múmkindikter. 
