Petropavlda Reseıden ákelingen aǵashtan qaýipti karantındik zııankes anyqtaldy
ASTANA. KAZINFORM — Zalaldaný faktisi «Fıtosanıtarııa» ShJQ RMK júrgizgen karantındik fıtosanıtarııalyq saraptamanyń qorytyndysymen rastaldy.
— Ósimdikter karantıni jónindegi memlekettik ınspektorlar Petropavl qalasynda karantındik fıtosanıtarııalyq baqylaý jáne qadaǵalaý júrgizý barysynda Reseı Federatsııasynan ákelingen qaraǵaı súreginen daıyndalǵan aralanǵan aǵash materıaldary leginen karantındik nysan — kishi qara shyrsha murtty qońyzyn (Monochamus sutor L.) anyqtady, — delingen AShM habarlamasynda.
Jalpy kólemi 33 tekshe metr.
Zalaldaný faktisi «Fıtosanıtarııa» ShJQ RMK júrgizgen karantındik fıtosanıtarııalyq saraptamanyń qorytyndysymen rastaldy.
Elimizdiń ósimdikter karantıni salasyndaǵy zańnama talaptaryn buzǵany úshin jeke kásipkerge qatysty Ákimshilik quqyq buzýshylyq týraly kodeksiniń 400-babynyń 2-bóligine sáıkes ákimshilik hattama toltyrylyp, anyqtalǵan zań buzýshylyqtardy joıý týraly nusqama berildi.
Sot qaýlysymen kásipker ákimshilik jaýapkershilikke tartylyp, oǵan aıyppul salyndy. Karantındik ónim joıyldy.
Aıta ketelik SQO-da Reseıden ákelingen taqtaıdan qaýipti karantındik zııankes tabylǵan edi.
