Petropavlda «Qyzyljar Jastar Fest» sporttyq fesıvali ótti
PETROPAVL. QazAqparat – Petropavlda Jastar jyly aıasynda uıymdastyrylǵan «Qazaqstan Jastar Fest» respýblıkalyq chellendjine oraı sport festıvali ótti, dep habarlaıdy QazAqparat tilshisi.
SQO Dene shynyqtyrý jáne sport basqarmasy baspasóz qyzmetiniń málimetinshe, Mádenıet jáne sport mınıstrliginiń bastamasymen respýblıkalyq «Qazaqstan Jastar Fest» chelendji bastaý aldy. Bul sharaǵa petropavldyqtar da ún qosyp, búgin ortalyq alańda sport merekesi ótti.
Aktsııaǵa «Neptýn» fıtnes klýby, «My dream center» fıtnes ortalyǵy, taı boksynyń federatsııasy men Petropavldyń sport uıymdary qoldaý kórsetti. Sondaı-aq festıvalǵa qala turǵyndarynan basqa mektep-kolledjderdiń, joǵary oqý ornynyń stýdentteri kelip, belsendilik tanytty.
Sport merekesi barlyǵynyń basyn biriktirgen jattyǵýdan bastaldy. Keıin fıtnes-jattyqtyrýshylardyń basqarýymen ol kóńildi bıge ulasty.
Sporttyq sharada kelýshiler nazaryna fýtbol, armrestlıng, tennıs, gir sporty túrleri jurtshylyq nazaryna usynyldy. Olar toǵyzqumalaq, shahmat oınaýǵa múmkindik aldy.
«Jastar jyly aıasynda ótkizilip jatqan sharany oblys ortalyǵynyń sportsúıer qaýymy birden qoldady. Búgin qala turǵyndary men sportshylar birigip jattyǵýlar jasady. Túrli sport túrlerinde baqtaryn synap kóredi. Sportpen aınalysatyn adamnyń densaýlyǵy da, rýhy da myqty bolady. Sharanyń basty maqsaty da osy, salamatty ómir saltyn ustanýǵa, sportpen turaqty shuǵyldanýǵa shaqyrý», - deıdi SQO Dene shynyqtyrý jáne sport basqarmasynyń bólim jetekshisi Vıktor Bestık.
Uıymdastyrýshylar sporttyq vıktorınany da umyt qaldyrmaı, durys jaýap bergenderge baǵaly syılyqtar tabys etti.
