Petropavlda provızorlyq statsıonardyń bireýi jabyldy
PETROPAVL. QazAqparat – Petropavlda joǵary oqý ornynyń jataqhanasynda ashylǵan provızorlyq statsıonar jumysyn toqtatty, dep habarlaıdy QazAqparat.
Koronavırýs ınfektsııasyn juqtyrǵandar sanynyń kúrt artýyna baılanysty shilde aıynyń basynda oqý ornynyń jataqhanasynda provızorlyq statsıonar ashýǵa týra keldi. Nysan tolyǵymen qajetti medıtsınalyq qondyrǵymen, dári-dármekpen, jatyn orynmen qamtyldy. Statsıonarda jumys istegen medıtsınalyq qyzmetkerler 452 naýqasty vırýstan emdep, jazdy.
Qazirgi ýaqytta óńirde epıdemıologııalyq jaǵdaı turaqtalǵan. Osyǵan oraı provızorlyq ortalyqtaǵy sońǵy syrqattardyń bir bóligi úıine jiberilip, endi birqatary oblystyq kópsalaly aýrýhanaǵa aýystyryldy.
Buǵan deıin SQO-daǵy provızorlyq jáne ınfektsııalyq statsıonarlarda medıtsınalyq kómek kórsetý boıynsha jaǵdaıdyń turaqtaldy. Koronavırýs ınfektsııasyn juqtyrǵandar sany búginde bes ese – 271-den 51-ge deıin azaıǵan.
Statsıonarlarda emdelip jatqandardyń sany 2 ese - 94%-dan 38%-ǵa deıin qysqardy.
SQO-da 14 tamyzda 28 adamda koronavırýs ınfektsııasy anyqtalyp, juqtyrǵandardyń jalpy sany 3 699-ǵa jetti. COVID-19-dan 2 549 adam jazyldy.
Al jumys ornynda koronavırýs juqtyrǵan medıtsınalyq qyzmetkerlerge 2 mln teńgeden tólem berile bastady. SQO-da osyndaı áleýmettik tólemdi 48 adam almaq.
