Petropavlda poıyzǵa tıelip jatqan kontrafaktilik ishimdik partııasy tárkilendi
PETROPAVL. QazAqparat - Shekarashylar Petropavl temirjol beketinde toqtap turǵan poıyzǵa zańsyz tıelip jatqan jasandy ishimdik ónimderi partııasyn anyqtady, dep habarlaıdy QazAqparat QR UQK ShQ baspasóz qyzmetine silteme jasap.
«Petropavl» shekara otrıadynyń «Mamlıýtka» temirjol kólikterin tekserý bólimshesiniń shekara jasaǵy Petropavl temirjol beketinde toqtap turǵan «Anapa-Krasnoıarsk» baǵytyndaǵy № 130 poıyzǵa araq-sharap tıelip jatqan sáttiń ústinen tústi», delingen habarlamada.
Eshqandaı qujatsyz tıelip jatqan 110 shólmek (220 lıtr) sharap, 30 shólmek (60 l.) konıak, 78 shólmek (156 lıtr) araq, 28 shólmek (56 lıtr) mýskat sharaby, 14 shólmek (28 lıtr) alma sharabynyń barlyǵy qoldan jasalǵandyǵy anyqtaldy. Kontrafaktilik ónim 457 712 teńge baǵalandy.
Dál sol jerden poıyz bastyǵy, 1972 jylǵy Reseı azamaty ustaldy. Qoldan jasalǵan araq-sharap tárkilenip Soltústik Qazaqstan oblysy boıynsha Memlekettik kiris departamentine tapsyryldy.
