Petropavlda poıyz qaǵyp ketken ájeniń týystary izdestirilip jatyr

PETROPAVL. QazAqparat – Petropavlda poıyzdyń astyna túsip, aýyr jaraqat alǵan belgisiz egde áıeldiń týǵan-týystary izdestirilip jatyr, dep habarlaıdy QazAqparat tilshisi.

Petropavldaǵy Lıder.kz volonterler qozǵalysy áleýmettik jeli arqyly poıyzdyń astyna túsip, aýyr jaraqat alǵan áıeldiń týǵan-týystaryna izdeý jarııalady.

Oqys oqıǵa 6 maýsym kúni bolǵan. Poıyz jasy shamamen 70-75-terdegi áıeldi qaǵyp ketti. Aýyr jaraqattanǵan áıeldiń jaǵdaıy nashar, aýrýhanada jatyr.

Eýropalyq áıeldiń boıy shamamen 150-155 sm shamasynda. Aryqsha kelgen. Áıeldiń oń qolynyń saýsaǵynda kúmis saqına bolǵan.

Volonterler áıeldi tanyǵandardy 8 777 608 88 49, 8 777 307 99 65 nemese 102 nómirine habarlasýdy suraıdy.