Petropavlda polıtseılerden jasyrynbaq bolǵan jigit qaıtys boldy
PETROPAVL. KAZINFORM – Petropavlda tártip saqshylarynan jasyrynbaq bolǵan 21 jastaǵy jigit muzdy sýda otyrǵan, dárigerler onyń ómirine arasha túse almady.

Bul oqıǵa týraly áleýmettik jelide jarııalandy. https://www.instagram.com/p/DH70K-qsLvv/?igsh=MTdnc3VmN3l3eXN3ZQ%3D%3D Petropavldaǵy Solnechnyı kentinde 2 sáýir kúni túnde jas jigit gıpotermııadan qaıtys bolǵan. Aldyn ala málimet boıynsha, ol polıtseılerden jasyrynyp muzdy sýda biraz ýaqyt ótkizgen.
SQO Polıtsııa departamentiniń baspasóz qyzmeti jas jigittiń qaıtys bolǵanyn rastady.
- 2 sáýirge qaraǵan túni Petropavl qalasynyń 21 jastaǵy turǵyny Solnechnyı kentine burylatyn jolda tabylyp, jedel járdem kóliginde qaıtys boldy. Zorlyq-zombylyq belgileri anyqtalǵan joq. Qazir oqıǵanyń barlyq mán-jaıy men sebebin anyqtaý úshin tergeý júrgizilip jatyr, - delingen oblystyq Polıtsııa departamenti baspasóz qyzmetiniń habarlamasynda.
SQO Densaýlyq saqtaý basqarmasy baspasóz qyzmetiniń málimetinshe, jigit jedel járdem qyzmeti kelgenge deıin qaıtys bolǵan. Sondyqtan reanımatsııalyq jumystar júrgizilgenimen, ol esh nátıje bermedi.
Buǵan deıin SQO-da 84 adam shoshqa tumaýyn, tórt adam gonkong tumaýyn juqtyrǵanyn jazǵan edik.