Petropavlda polıtsııanyń attary ıppoterapııaǵa paıdalanylady
PETROPAVL. QazAqparat - Petropavldaǵy jol-patrýldik polıtsııasy batalonynyń atty vzvody atpen júrý emin júrgizýde, dep habarlaıdy «QazAqparat» HAA tilshisi.
Munda aptasyna úsh ret tirek-qımyl júıesinde kemshiligi bar balalarǵa arnalǵan mektep-ınternattyń oqýshylary keledi. 8-15 jas aralyǵyndaǵy 15 ul-qyz bir saǵat boıy qyzmettik attarǵa minip, serýendeıdi. Kavalerlik bólimniń komandıri Janat Smaǵulovtyń aıtýynsha, balalarǵa mindetti túrde dárigerler erip júredi. Olar ıppoterapııa (atpen júrý emi) tıimdiligin baqylap otyrady. Polıtseılerdiń pikirinshe, atqa mingen balalardyń tek densaýlyǵyna ǵana emes, sondaı-aq olardyń kóńil-kúıine de tıgizer paıdasy zor.
Atpen júrý eminiń basty ereksheligi -er-toqymsyz atqa jaıdaq minýinde. Osylaısha kúndelikti qozǵalysta qımylǵa túspeıtin bulshyqetter qımyldaı bastaıdy. Balalardyń aıaqtaryna at qozǵalǵanda massaj jasalynyp, janýardyń jylýy beriledi. Janýardyń dene temperatýrasy 38 gradýs.
