Petropavlda polıtsııa qyzmetkerleriniń kásibı-psıhologııalyq daıyndyǵy kýrstary ótti
PETROPAVL. Shildeniń 29-y. QazAqparat /Sergeı Kýznetsov/ - Petropavlda Soltústik Qazaqstan oblysy ishki ister departamentinde «Іshki ister organdarynyń qyzmetkerleri úshin kásibı-psıhologııalyq daıyndyq» taqyrybynda biliktilikti arttyrý kýrstary bolyp ótti.
Soltústikqazaqstandyq polıtseılerdi psıhologııanyń qyr-syryna Astana qalasynyń «Turan-Profı» halyqaralyq kásibı akademııasynyń biliktilikti arttyrý ınstıtýtynyń mamandary men Máskeýden kelgen qonaq, psıhologııa ǵylymdarynyń kandıdaty Igor Borodın boılatty.
Sabaqtarǵa aýyr jáne asa aýyr qylmystarmen jıi betpe-bet kezdesetin bólimshelerdiń qyzmetkerleri qatysty. Olardyń qatarynda tergeýshiler, jedel qyzmetkerler, sarapshy-krımınalıster bar. Kýrs tyńdaýshylary shaǵyn trenıngter, róldik oıyndar arqyly túrli jaǵdaılardy saraptap, onyń barysynda jedel jáne tergeý máselelerin sheshý úshin qajetti jeke psıhologııalyq ádister men amaldardy qarastyrdy. Sonymen qatar, polıtseılerge qazirgi zamanǵy adamzattyń jan aýrýy - strestik jaǵdaılardan shyǵýdyń, ony jeńýdiń joldary kórsetildi.
QR Іshki ister mınıstrliginiń tapsyrmasymen ótkizilip jatqan atalmysh kýrstar, mamandardyń oıynsha, ásirese jas polıtseılerge aýadaı qajet.
Kýrstardy aıaqtaǵannan keıin barlyq qatysýshylar «Turan-Profı» halyqaralyq kásibı akademııasynyń biliktilikti arttyrý ınstıtýtynyń arnaıy sertıfıkattaryna ıe boldy.
