Petropavlda polıtseılerge arnalǵan turǵyn úı salyndy
PETROPAVL. QazAqparat - QR Іshki ister mınıstriniń orynbasary Erlan Turǵymbaev Petropavlda polıtsııa qyzmetkerlerine arnalǵan jańa 75 páterli turǵyn úıge bardy, dep habarlaıdy «QazAqparat» HAA tilshisi.
Soltústik Qazaqstan oblystyq polıtsııa departamenti baspasóz qyzmetiniń málimetinshe, kópqabatty turǵyn úı «Qazaqstannyń turǵyn qurylys jınaq banki» arqyly memlekettik baǵdarlamamen salyndy. Jeltoqsan aıynda turǵyn úıdi paıdalanýǵa berý josparlanyp otyr.
Jumys saparynyń barysynda E.Turǵymbaev jergilikti birneshe polıtsııa bólimshesinde bolyp, jańa tehnologııalardy paıdalaný jaıyna qanyqty.
Soltústik Qazaqstan polıtsııasy kezeń-kezeńmen servıstik modelge ótip jatyr. Bólimshelerde turǵyndarmen jumys isteýdiń jańa formaty engizile bastaǵan. Petropavl qalalyq polıtsııa basqarmasynda kúsheıtilgen ruqsat berý rejimi qoldanystan shyǵarylyp, zamanaýı talaptarǵa saı front-keńse ashyldy. Mınıstrdiń orynbasaryna jańa qyzmet kórsetýdiń artyqshylyqtary tanystyryldy.
Petropavlda barlyq 13 polıtsııa beketindegi monıtorlardan qala kósheleri, aýlalary jáne basqa da qoǵamdyq oryndardy arnaıy ornalastyrylǵan kameralar arqyly baqylaýǵa bolady. E.Turǵymbaevqa osy vıdeony planshet arqyly kórsetetin tehnıkalyq múmkindik tanystyryldy.
Jol-patrýldik polıtsııanyń 25 ekıpajy Ákimshilik quqyq buzýshylyqtardyń biryńǵaı tizilim júıesinde jedel jumys isteýge múmkindik beretin planshettermen jabdyqtalǵan.
Erlan Turǵymbaev Qazaqstan men Reseı XV óńiraralyq yntymaqtastyq forýmyn ótkizý kezinde qoǵamdyq tártipti qamtamasyz etken polıtsııa qyzmetkerleriniń jumysyn joǵary baǵalady.
