Petropavlda polıtseıler qazaq kúresinen ózara baq synasty
PETROPAVL. QazAqparat - Soltústik Qazaqstan oblysynda elimizdiń polıtseıleri arasynda qazaq kúresinen ótken jarysta úzdikter anyqtaldy, dep habarlaıdy QazAqparat tilshisi.
SQO ІІD baspasóz qyzmetiniń habarlaýynsha, QR ІІM chempıonaty Astananyń 20 jyldyǵyna arnap uıymdastyryldy.
«Petropavlda ulttyq kúresten úlken týrnır ótip jatqany qýantady. Mundaı sharalar sporttyń osy túrin damytýǵa serpin beredi», - Qazaqstan qazaq kúresi federatsııasynyń prezıdenti Arman Shoraev.
Týrnırde Astana, Almaty qalalarynyń, oblystardyń ishki ister departamentterinen, mamandandyrylǵan kúzet qyzmeti basqarmasynen, Ulttyq gvardııadan, qylmystyq atqarý júıesi departamentinen, sondaı-aq Tótenshe jaǵdaılar komıtetinen 48 sportshy 80 kg, 90 kg jáne 90 kılogramnan aýyr salmaq sanattary boıynsha kilemge shyqty. 
«Týrnır qatysýshylary barlyq aýmaqtyq bólimshelerde ótken óńirlik saıystarda irikteldi. Birinshilikti uıymdastyrýdaǵy basty maqsat - polıtseılerdiń dene daıyndyǵyn arttyrý, ulttyq kúres daǵdylaryn jetildirý, QR Іshki ister mınıstrliginiń túrli bólimsheleri qyzmetkerleriniń arasynda dostyq baılanystardy nyǵaıtý», - deıdi QR ІІM «Dınamo» DSQ tóraǵasynyń birinshi orynbasary Asqar Omarqulov.
Týrnırdegi jalpykomandalyq esepte úshinshi oryn QR Ulttyq gvardııasynan kelgen sportshylarǵa buıyrdy. 
ekinshi oryndy Mańǵystaý oblysynyń polıtseıleri ıelendi. Al birinshi oryndy soltústikqazaqstandyq balýandar jeńip aldy.
Týrnırge belgili sportshylar da keldi. Onda araǵa 44 jyl salyp qazaq kúresinen 1974 jylǵy Qazaqstan chempıonatynyń fınalynda kúsh synasqan Ulas Momynuly pen Baýyrjan Quljanov kezdesti.
Aıta keteıik, sol chempıonat uly sportshy Qajymuqannyń týǵan ólkesinde ótken bolatyn.
