Petropavlda polıtseı qarııany órtten aman alyp qaldy
PETROPAVL. Qazaqparat - Serjant Sultan Qýanyshev basyn qaterge tigip, 73 jastaǵy Petropavl turǵynyn órtten aman alyp qaldy, dep habarlaıdy QazAqparat tilshisi.
Tártip saqshysy óziniń bul áreketi týraly eshkimge aıtpaǵan. Alaıda, SQO ІІD baspasóz qyzmetiniń habarlaýynsha, bul oqıǵa jaıly vıdeojeton materıaldarynan málim bolǵan.
Jol-patrýldik polıtsııa qyzmetkeri óziniń áriptesi, serjant Rýslan Matenovpen birge Petropavldyń 19 shaǵynaýdanynda qyzmetin atqaryp júrgen. Hromzaýyt mańynda órt bollyp jatyr degen habardy alysymen olar oqıǵa ornyna jetken. Saqshylar kelgende órtenip jatqan úıdiń kórshisi egde jastaǵy er adamnyń ishte qalǵanyn aıtqan.
«Rýslan úıdiń jan-jaǵyn tekserip júrgen kezde Sultan Qýanyshev ishke engen. Daýystap shaqyrǵanymen, oǵan eshkim jaýap bermegen. Qoıý tútinniń kesirinen adamnyń bar-joǵy kórinbegen. Sol kezde polıtseı terezeni ashyp, eńbekteı júrip qarııany izdeı bastaǵan. Sálden soń úı ıesin edende es-tússiz jatqan jerinen tapqan», dep habarlaıdy ІІD baspasóz qyzmetinen.
Dárigerler qarııanyń ómirin saqtap qalý úshin birneshe kún arpalysqan.
«Kóp rahmet! Shynymdy aıtsam, ol saýyǵyp ketedi degen úmit az boldy. 8 kún jansaqtaý bóliminde es-tússiz jatty», - deıdi zeınetkerdiń zaıyby Galına Mahmetova.
