Petropavlda Pestroe kóliniń jaǵasynan 100 qaptan astam qoqys shyǵaryldy
PETROPAVL. QazAqparat – Petropavlda «Ekologııalyq kúzet» jobasy aıasynda senbilik ótip, Pestroe kóliniń mańynan 114 qap qoqys shyǵaryldy, dep habarlaıdy QazAqparat tilshisi.
Soltústik Qazaqstan oblysy ekologııa departamentiniń málimetinshe, Petropavldaǵy Pestroe kólinde ótken ekologııalyq aktsııa «Ekologııalyq kúzet» jobasy aıasynda ótti. Іs-sharaǵa volonterlar, ekologııa departamentiniń, Esil oblysaralyq basseındik ınspektsııasynyń qyzmetkerleri, «Radýga» JShS ókilderi jáne Petropavl turǵyndary qatysty.
Іs-sharany uıymdastyrýshylar aktsııaǵa qatysýshylardy qajetti quraldarmen – qolǵap, qaptarmen qamtamasyz etti.
«Senbilik jaıynda aldyn ala birneshe apta buryn jergilikti gazetterde habarlandyrý boldy. Sondyqtan bolar is-sharaǵa osy joly biraz adam qatysty. Bul aktsııanyń burynǵydan ózgesheligi - jınalǵan qoqysty osy jerde ekige bólemiz. Qaıta kádege jaratýǵa bolatynyn qoqys óńdeıtin kásiporynǵa jiberemiz. Olar karton, qaǵaz, plastık bótelkeler,polımer paketter, alıýmınıı bankalar», - deıdi «Ekologııalyq kúzet» jobasynyń úılestirýshisi Azat Jumaǵul.
Petropavldyń mańynda ornalasqan Pestroe kóli qala turǵyndary men qonaqtardyń súıikti demalys orny. Ystyq kúnderi onyń jaǵalaýynda demalýshylardan aıaq basar jer bolmaıdy.
«Kól basyna halyq kóp jınalady, alaıda olardyń barlyǵy birdeı ózderinen keıin qoqysty jınap júrmeıdi. Іs-shara ótetinin estigennen keıin oǵan qatysýǵa ynta bildirdik.
«Qazaqstan ǵarysh sapary» arqyly Petropavldyń qasynda 50 km radıýsta 340 qoqys úıindisi anyqtaldy. Olardyń jartysyna jýyǵyn jergilikti atqarýshy organ tazalady. Olarǵa 15 qyrkúıekke deıin bul zańsyz polıgondardy joıý jóninde talap qoıylǵan», - deıdi SQO ekologııa departamentiniń basshysy Azamat Bektasov.
Óńirdiń bas ekologynyń aıtýynsha, SQO aýmaǵynda qazir 460 qoqys polıgony bar, onyń tek 16-synyń ǵana qujattary durys.
Al, senbilikke qatysýshylar bul kúni barlyǵy 114 qap qoqys jınady. Onyń 89-y qaıta óńdeýge jiberiledi.
