Petropavlda páterlerge jylý berildi

PETROPAVL. QazAqparat - Bıyl Petropavlda jylytý maýsymy ádettegiden eki apta erte bastaldy, dep habarlaıdy QazAqparat tilshisi.

Qalalyq ákimdik byltyrǵy qatelikterge jol bermes úshin erte qosqanyn atap ótti. Bıyl kesteni qaıta qaraǵan.

Qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń aqparaty boıynsha, jylýdy birinshi kezekte balalar baqshasy men aýrýhanalarǵa beredi. Qazirgi tańda qaladaǵy áleýmettik nysandardyń 70%-y qosylǵan.

Kóp qabatty turǵyn úılerge de jylý berilgen.

«Turǵyn úı qory ótinish boıynsha qosylady. Bıyl 600 tóraǵaǵa úıdi jylytý maýsymyna daıyndaý kezinde aldymen ne isteý qajettigi týraly habarladyq. Ony 30%-dan astamy oryndady. Qala turǵyndary úılerdiń jeke menshigi ekenin túsinýi tıis», - dedi Petropavl ákiminiń keńesshisi Anatolıı Mıshın.

Petropavlda barlyq tutynýshylardy jylýǵa qosý 10 kúnniń ishinde aıaqtalady.