Petropavlda páteri órtengen qarııa aýrýhanaǵa tústi
PETROPAVL. QazAqparat - Petropavlda páter órtenip, tútinge ýlanǵan 89 jastaǵy er adam aýrýhanaǵa jetkizildi, dep habarlaıdy QazAqparat tilshisi.
Oqys oqıǵa 19 mamyrda túski birler shamasynda bolǵan. Soltústik Qazaqtsan oblysy TJD baspasóz qyzmetiniń habarlaýynsha, 101 nómirine Petropavldaǵy Hımenko kóshesindegi 5 úıde órt shyqqandyǵy jóninde habarlama túsken. Órt sóndirýshiler jetkende 5 qabatty úıdiń úshinshi qabaty janyp, ústińgi qabattar tútinge oranǵan eken.
Qutqarýshylar besinshi qabattan 68 jastaǵy áıel adamdy jáne 89 jastaǵy er adamdy arnaıy kıimmen alyp shyqty. Áıelge dárigerlerdiń kómegi qajet bolǵan joq, al tútinge ýlanǵan er adam aýrýhanaǵa jetkizildi.
Budan basqa taǵy 16 adam, sonyń ishinde 3 bala qaýipsiz jerge shyǵaryldy. Jalynnyń kórshi páterlerge taralýynsha múmkindik bermegen mamandar, ony jarty saǵattyń ishinde tolyq sóndirdi.
«Oqıǵa ornynan gaz ballony shyǵaryldy. Aýladaǵy kólikterdiń kóptiginen avtosatyny der kezinde qoldaný múmkin bolmady. Bul - qıyndyq týdyrdy», - delingen aqparatta.
Mamandardyń aıtýynsha, órt sharpyǵan aýmaq 8 sharshy metr. Páterdegi turmystyq tehnıka men úı ıesiniń jeke zattaryna zaqym keldi.
Bastapqy boljam boıynsha órttiń shyǵýyna turmystyq tehnıka symdarynyń qysqa tuıyqtalýy sebep bolýy múmkin. Shyǵyn mólsheri, ázirshe belgisiz.
