Petropavlda park aýmaǵyna mas kúıde kóligimen kirip ketken jigit ustaldy
PETROPAVL. QazAqparat – Petropavlda «Soltústik juldyzy» stellasynyń janynda kólik júrgizgen jigitke ákimshilik hattama toltyryldy, - dep habarlaıdy QazAqparat tilshisi.
Ruqsat etilmegen jerde – Petropavldaǵy Pestroe kóliniń mańyndaǵy «Soltústik juldyzy» stellasynyń qasynda kólik júrgizgen er adamdy polıtseıler ustady. Bul jaıynda beınejazba áleýmettik jelide tarady.
Jeńil kólikke mingen jigit túngi ýaqytta 20 mınýt boıy eskertkishtiń janynda jáne kóldiń jaǵalaýynda saıran salǵan. Keıin mashınasyn baspaldaqqa soǵyp, kóliktiń kardanyn julyp baryp toqtaǵan.
Petropavl qalasy polıtsııa basqarmasynyń málimetinshe, «AUDI 80» markaly kóliktiń rólinde 1986 jylǵy jigit bolǵan. Ol Pestroe kóliniń mańyndaǵy park aýmaǵyna mashınamen kirip ketken. Tekserý barysynda er adamnyń mas ekendigi anyqtaldy. Jigitke ákimshilik hattama toltyrylyp, materıal protsessýaldyq sheshim qabyldanýy úshin ákimshilik quqyqbuzýshylyqtar boıynsha mamandandyrylǵan sotqa jiberildi.
