Petropavlda ózin óltirmek bolǵan er adam qutqaryldy
PETROPAVL. QazAqparat – Petropavlda jyldam áreket etýdiń nátıjesinde tártip saqshylary asylyp ólmek bolǵan er adamdy qutqaryp qaldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, Petropavldyń 45 jastaǵy turǵyny jedel járdem qyzmetine habarlasyp, olardy er adamnyń máıiti kútip turatynyn aıtqan. «103» dıspetcheri birden polıtsııaǵa qońyraý shalyp, eskertedi. Mekenjaıǵa biren jaqyn mańda júrgen avtopatrýl jiberildi. Tártip saqshylary Nurlan Turǵynov pen Rýslan Orazbaev der kezinde kelip, er aamdy aman alyp qaldy. Qalanyń shetindegi jataqhanalardyń birinde turatyn er adam óz bólmesinde, moınyna sym baılap úlgeripti. Polıtseıler ústeldiń ústinen qoshtasý hatyn tapty.
«Kórshileriniń aıtýynsha, er adam jaqynda ajyrasqan eken. Azdap tynyshtandyryp, oǵan jedel járdem qyzmetiniń mamandaryn shaqyrdyq. Sońǵy kezde osyndaı shaqyrtýlarda baıqaǵanymyz, eń jaqyn degen adamdar bir-birine qoldaý kórsetpeıdi. Qandaı qıyndyq bolsyn – ýaqytsha. Ol da ótedi. Qıyndyqty jeńý kerek, ómirden qundy eshteńe joq», - deıdi Nurlan Turǵynov.
