Petropavlda ózgeshe quıyn turǵyndardy úreılendirdi
PETROPAVL. QazAqparat - Ótken demalys kúnderi Petropavl aspanynda túsirilgen quıyn men perishte túrindegi bult sýretteri áleýmettik jelilerde taratylyp jatyr, dep habarlaıdy «QazAqparat» HAA tilshisi.
Petropavlda bolǵan erekshe qubylysty áleýmettik jeli paıdalanýshylary qyzý talqyǵa saldy. Aspandaǵy perishte keskini kópshiliktiń kúdigin seıiltse, quıyn beınesi keı petropavldyqtardyń qorqynysh sezimin oıatqan.
«Quıyn sizge jaqyn bolsa, qashyp áýrelenbeńiz, odan da jertólege túsińiz. Quıynnyń jyldamdyǵy saǵatyna 100 shaqyrymǵa jetedi», - deıdi bir paıdalanýshy. Ol kútpegen jaǵdaıda ózin qalaı ustaý kerektigin aıtyp, turǵyndarǵa keńes bergen.
Mamandar soltústikqazaqstandyqtardyń úreılenýine sebep joqtyǵyn aıtady. Buǵan deıin eshqashanda Soltústik Qazaqstan oblysynda quıyn tirkelmegen.
«Senbi kúni Petropavlda nóser jańbyr jaýyp, 19 m/s jel turyp, naızaǵaı jarqyldady. Turǵyndardy aspannan kórgeni - ádettegi sýyq baǵyttaǵy túnergen bulttar», - dedi «Qazgıdromet» RMK BQOF aýa raıy boljamy bóliminiń basshysy Gúlzat Ǵazızova.
