Petropavlda óz úıinen polıtsııa ınspektorynyń máıiti tabyldy
Óńir prokýratýrasynyń dereginde sáıkes, 1990 jyly dúnıege kelgen ýchaskelik polıtsııa ınspektory Petropavl qalasynyń polıtsııa basqarmasynda jumys istegen.
«Onyń denesi, keýde usynan salynǵan pyshaq jaraqaty belgilerimen óz úıinen tabyldy», - delingen aqparatta.
Resmı málimet boıynsha, QR QK-niń 99-babynyń 1-i tarmaǵyna sáıkes «kisi óltirý» faktisi boıynsha sotqa deıingi tergep-tekserý amaldary júrip jatyr.
Sondaı-aq, bolǵan oqıǵany Soltústik Qazaqstan oblysynyń prokýratýrasy rastap otyr.
«Oblys prokýrorynyń orynbasary Murat Qojamqulov qaza tapqan adam polıtsııa qyzmetkeri bolǵanyn, biraq bolǵan oqıǵanyń onyń kásibı qyzmetimen baılanysty emes ekendigin túsindirdi. Tergeýshilerdiń negizgi nusqasy boıynsha kisi óltirý urys jáne jaǵymsyz qarym-qatynas negizinde týyndap otyr. Bul nusqa boıynsha osy qylmysqa qatysy bar retinde mert bolǵan polıtseıdiń áıeli tergelýde. Qazirgi ýaqytta is boıynsha jaǵdaıdy tolyq anyqtaýǵa baǵyttalǵan qajetti jáne jedel tergeý áreketteri júrip jatyr», - deıdi SQO prokýratýrasy.
Sol sııaqty habarlamada ázirge tergeý qorytyndylary týraly habarlaýǵa áli erte ekeni aıtylady.
«Sot saraptamalary taǵaıyndalady. Yqtımal qylmys qarýy alyndy. Tergeý barysy SQO prokýratýrasynyń baqylaýyna alyndy. Marqumnyń artynda 2 kishkentaı balasy qaldy. Sonymen qatar, qylmystyq protsestiń úsh býyndy modeline ótý sheńberinde, prokýrorlar tergeýshilerdiń barlyq túıindi sheshimderin kelisip jáne bekitip qana qoımaı, bıyl qańtardan bastap óz betterinshe barlyq erekshe aýyr qylmystar, onyń ishinde kisi óltirý boıynsha aıyptaý aktilerin qarastyrady», - dep habarlaıdy atalǵan vedomstvodan.