Petropavlda órtten bir otbasynyń músheleri mert boldy
PETROPAVL. QazAqparat - Petropavldaǵy turǵyn úıden shyqqan órt saldarynan áıel eki balasymen qaza tapty, dep habarlaıdy «QazAqparat» HAA tilshisi.
SQO TJD baspasóz qyzmetiniń aqparatyna qaraǵanda, Jumysshy kentindegi turǵyn úıde shyqqan órt týraly habar túngi saǵat birlerde túsken.
«Órt sóndirýshiler oqıǵa ornyna kelgende úıdiń qabyrǵasy men zattar janyp jatqan, qatty tútin shaqqan. Órtti sóndirý barysynda 1977 jylǵy úı ıesi men onyń eki balasy - 2013 jylǵy ul men qyz óli kúıinde tabylǵan. Olar úıden evakýatsııalanyp, jedel járdem qyzmetkerlerine berilgen. Deneleri sot-medınıtsalyq saraptamaǵa jiberildi», - dep túsindirdi baspasóz qyzmeti.
Órttiń shyǵýyna elektr symdar júıesiniń qysqa tuıyqtalýy sebep bolýy múmkin. Oqıǵanyń mán-jaıy men materıaldyq zalaly anyqtalyp jatyr.
Aıta keteıik, jyl basynan beri Soltústik Qazaqstan oblysynyń aýmaǵynda 121 ret órt shyǵyp, 13 adam mert bolǵan. Materıaldyq zııan somasy 14 mıllıon teńgeni quraǵan.
