Petropavlda órtten 78 jastaǵy keıýana qaıtys boldy
PETROPAVL. QazAqparat – Petropavlda tún ortasynda turǵyn úılerdiń biri órttenip, oqıǵa ornynan órt sóndirýshiler úı ıesiniń jansyz denesin tapty, dep habarlaıdy QazAqparat.
SQO tótenshe jaǵdaılar departamenti baspasóz qyzmetiniń málimetinshe, oqys oqıǵa týraly habar «Soltústik Qazaqstan oblysy TJD Órt sóndirý jáne apattyq-qutqarý qyzmetine» búgin túngi 3.30 shamasynda túsken. Órt sóndirýshiler Petropavl qalasy, Soıýznaıa kóshesi 31-úı mekenjaıy boıynsha jetkende baspananyń tútinge oranyp, ishki qabyrǵalary men tóbesiniń lapyldap janyp jatqanyn kórgen.
Órtti sóndirý barysynda oqıǵa ornynan úı ıesi – 1941 jyly týǵan áıeldiń múrdesi tabyldy.
Bir saǵatqa jýyq jalynmen arpalysqan mamandar ony tek bir saǵattyń ishinde ǵana tolyq sóndire aldy.
Órt saldarynan úıdiń jáne qosalqy ǵımarattyń shatyry tolyq janyp ketti. Úı ıesiniń jeke zattary zardap shekkenimen, órt sóndirýshiler jıhazdardy aman alyp qaldy. Ázirshe órttiń neden shyqqany jáne kelgen shyǵyn mólsheri belgisiz.
