Petropavlda órtenip jatqan úıden áıel qutqaryldy

Petropavlda órt sóndirýshiler áıeldi órtten qutqaryp qaldy, dep habarlaıdy Kazinform.  

Tótenshe jaǵdaılar mınıstrligi baspasóz qyzmetiniń málimetinshe, órt týraly habar túngi ýaqytta túsken.

«Túngi saǵat 02:05-te kórshilerden Petropavldyń 2 qabatty turǵyn úıiniń páterleriniń birinde órt shyqqandyǵy týraly qońyraý tústi. 4 mınýttan keıin kelgen órt sóndirýshiler birinshi qabattaǵy páterge kirdi. Áıel býmen tútindep jatqan dıvanda jatty. Kishi serjant Arman Qasymov áıeldi kóterip alyp terezeden shyǵardy, ony órt sóndirýshi-qutqarýshy Bolat Ahmetov tómennen kóterip alady», - dedi TJM baspasóz qyzmetinen.

Órt sóndirýshiler órtti sóndirip jatqanda kireberisten 10 adam, onyń ishinde 3 jasar bala evakýatsııalandy. Páter ıesi esin jınady. Órttiń shyǵýyna temekini sóndirmeı uıyqtaý sebep bolǵan.