Petropavlda órtengen turǵyn úıden 8 gaz ballony shyǵaryldy

PETROPAVL. QazAqparat – Petropavlda jeke turǵyn úı órtenip, órt sóndirýshiler jalynnyń jeke sektorǵa taralýyna jol bermedi. Al janǵan úıden 8 gaz ballony shyǵaryldy, dep habarlaıdy QazAqparat tilshisi.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, Petropavldaǵy 1-Zarechnaıa kóshesi, 20 mekenjaıy boıynsha jeke úıde órt shyqqandyǵy jóninde habar «101» qyzmetine saǵat 9.03 mınýt ketkende túsken. Órt sóndirýshiler jetken kezde turǵyn úıden shyqqan jalyn jaqyn mańdaǵy eki sharýashylyq ǵımaratyna da jaıylyp úlgergen eken. Sóndirýge 8 arnaıy tehnıka men jeke quramnyń 25 mamany jumyldyryldy.

Jeke sektorda úılerdiń tyǵyz ornalasýy órt sóndirýshilerdiń jumysyn qıyndatty. Sondaı-aq jaqyn mańdaǵy úılerge taraý qaýpi joǵary boldy.

Órtti sóndirý barysynda mamandar úıden 8 gaz ballonyn shyǵaryp úlgerdi.

Saǵat 10.05 ketkende órt tolyq sóndirildi. Turǵyn úı men bir sharýashylyq ǵımaratyna zaqym kelse, ekinshisi tolyq janyp ketti. Biraq kórshi úıler men qora-qopsyǵa jiberilmedi. Órttiń jalpy aýdany 120 sharshy metrdi qurady.

Qaza tapqandar men zardap shekkender joq. Órttiń shyǵý sebebi men kelgen mólsheri jaqynda anyqtalmaq.

Jyl basynan beri Petropavl qalasynyń aýmaǵynda 13 órt boldy, kelgen materıaldyq shyǵyny 6 mln teńge. Bir adam qaza taýyp, bireýi jaraqattandy.

Foto: Soltústik Qazaqstan oblysy tótenshe jaǵdaılar departamenti