Petropavlda órtengen on qabatty úıden 5 bala qutqaryldy
NUR-SULTAN. QazAqparat - Petropavlda 10 qabatty turǵyn úı órtendi. Bul týraly QR ІІ Tótenshe jaǵdaılar komıtetinen málim etti, dep habarlaıdy QazAqparat tilshisi.
«15 mamyr kúni saǵat 17:00-de Petropavl qalasynyń «101» pýltine Jambyl kóshesi boıyndaǵy 10 qabatty turǵyn úıden órt shyqqany týraly habar tústi. 6 mınýttyń ishinde oqıǵa ornynan birinshi órt sóndirý toby kelip jetti. Órt sóndirýshiler alǵashqy áreketterimen 6 turǵyndy, onyń ishinde 5 balany qutqaryp, 45 adamdy, onyń ishinde 15 balany evakýatsııalady», - dedi komıtetten.
Vedmostvo málimetinshe, saǵat 17:25-te órt oqshaýlanyp, 17:36-da tolyqtaı sóndirilgen. Jalyn 15 sharshy metr aýmaqty sharpyǵan. Qazirgi ýaqytta tilsiz jaýdyń shyǵý sebebi anyqtalyp jatyr. Órtti sóndirýge oblystyq TDJ jeke quramynyń 25 mamany 6 órt sóndirý tehnıkasy jumyldyryldy.
