Petropavlda órt sóndirýshiler 18 qabatty ǵımaratqa satymen jyldam kóterilýden jarysty
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, saıys «Vertıkaldy shaqyrý» dep atalady. ıAǵnı órt sóndirýshilerdiń bıik ǵımaratqa tolyq jabdyqpen jyldam kóterilýi qajet. Maqsat – qutqarýshylar jumysynyń mańyzdylyǵyna qoǵam nazaryn aýdartý, órt sóndirýshi-qutqarýshy mamandyǵynyń qanshalyqty qıyn ekenin kórsetý, salamatty ómir saltyn nasıhattaý.
Petropavldaǵy «Jas Órken» shaǵyn aýdany Jambyl kóshesi, 49 A mekenjaıyna ornalasqan «TRIO-2» turǵyn úı kesheni ýaqytsha sport alańyna aınaldy. 18 qabatty ǵımarattyń satysymen júgirip ótip, óz kúshin baǵamdaýǵa «Órt sóndirý jáne avarııalyq-qutqarý jumystary qyzmeti» MM Petropavl qalasynyń bes órt sóndirý bólimderi órt sóndirýshi-qutqarýshylary qatysty.
Uıymdastyrýshylardyń aıtýynsha, órt sóndirýshiniń kıim-keshegin tolyq kıip, syǵylǵan aýa apparatyna qosylyp, ýaqytqa jyldam júgirgen maman jeńimpaz atanýǵa tıisti.
Órt sóndirýshiniń arnaıy kıimi, kaska, karabıni bar belbeý, syǵylǵan aýasy bar apparat, maska. Barlyǵynyń salmaǵy shamamen 20 kg. Osyndaı júkpen 18 qabatqa kóterilý - óte qıyn synaq. Bul jerde dene tózimdiligi, durys tynys alý jáne óz kúshin oryndy qoldana bilý óte mańyzdy.
«10 qabatqa kelgende aıaqty kóterý qıynǵa soǵady, júgire almaı qalasyń. Tek 15 qabattan bastap ekinshi tynys qosylady», - deıdi jarysqa qatysýshylar.
Jarys qorytyndysy boıynsha jeke esepte birinshi oryndy 1 mınýt jáne 43 sekýnd nátıjesimen Petropavl qalasy №5 órt sóndirý bóliminiń órt sóndirýshi-qutqarýshysy Baqyt Merekenov ıelendi. Al toptyq jarysta № 1 mamandandyrylǵan órt sóndirý bólimi birinshi oryn aldy.
