Petropavlda órt sóndirý kóligi jol apatyna tústi
PETROPAVL. QazAqparat – Petropavlda shaqyrtýǵa asyqqan órt sóndirý kóligi jol apatyna tústi, dep habarlaıdy QazAqparat tilshisi.
Búgin Petropavldaǵy J.Jabaev jáne Abaı kósheleriniń qıylysynda saǵat 11.20 shamasynda jol-kólik apaty bolyp, órt sóndirý mashınasy men «Volkswagen» markaly jeńil avtokólik soqtyǵysyp qaldy.
«SQO Tótenshe jaǵdaılar departamentiniń órt sóndirý jáne apattyq-qutqarý jumystary qyzmeti» MM ATs-8-40 órt sóndirý kóligi joǵarý shaqyrtý nómiri boıynsha órt ornyna asyǵyp bara jatqan. Jolda jeńil avtokólikpen soqtyǵysyp qaldy. Oqıǵanyń mán-jaıy anyqtalady», - delingen departament taratqan aqparatta.
Áleýmettik jelilerde oqıǵa ornynda túsirilgen vıdeo tarala bastady. Oǵan kýá bolǵandardyń aıtýynsha, órt sóndirý kóligi arnaıy jaryq belgilerin qosyp qozǵalǵan. Alaıda, ol belgini jeńil kólik elemegen.
