Petropavlda órt kezinde kúıik alǵan er adam jansaqtaý bóliminde jatyr

PETROPAVL. KAZINFORM – Petropavlda ótken túni toǵyz qabatty úıdiń segizinshi qabatynda órt shyǵyp, 47 jastaǵy er adam aýyr halde aýrýhanaǵa tústi.

Esterińizge salaıyq, órt kezinde kópqabatty turǵyn úıden 220 adam evakýatsııalandy. Órtengen páterden bir adam tabylyp, aýyr halde aýrýhanaǵa jetkizildi.

«Er adam Petropavl qalalyq kópbeıindi aýrýhanaǵa tústi. Qazir jansaqtaý bóliminde jatyr. Túsken kezde kómirqyshqyl gazyna qatty ýlanǵany jáne tynys alý músheleri termııalyq kúıik alǵany anyqtaldy. Barlyq tıisti em-dom jasaldy. Qazirgi ýaqytta syrqat ókpeni jasandy jeldetý apparatynan ajyratyldy. Ózdiginen demalyp jatyr, biraq jaǵdaıy áli de turaqty túrde aýyr. Oń ózgeris bar, biraq áli de jansaqtaý bóliminde jatady. Keıin terapııa bólimshesine shyǵaryp, ambýlatorlyq em alýǵa úıine jiberedi», - deıdi SQO densaýlyq saqtaý basqarmasynyń baspasóz hatshysy Gúlnar Qalıeva.

Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, 1977 jyly týǵan er adam páter ıesi áıeldiń uly.

Buǵan deıin SQO-da tasqyn kezinde sýda qalǵan kolonııada jóndeý jumysy aıaqtalǵanyn jazǵan edik.