Petropavlda oftalmologııalyq ortalyq jáne eki balabaqsha ashylady
PETROPAVL. QazAqparat - Soltústik Qazaqstan oblysynyń ákimi Qumar Aqsaqalov Petropavldaǵy memlekettik-jekeshelik seriktestik aıasynda salynyp jatqan nysandardy aralady, dep habarlady SQO ákiminiń baspasóz qyzmetine silteme jasap «QazAqparat» HAA tilshisi.
Olardyń biri - halyqqa ambýlatorııalyq statsıonarlyq kómek kórsetýge arnalǵan oftalmologııalyq dıagnostıka ortalyǵy. Jobany «Esil-Dıagnostık» JShS-y júzege asyrýda. Kompanııa dırektory Aleksandr Rylovtyń málimeti boıynsha nysan ashylǵan kezde onda 27 jańa jumysshy alynady.
Oblys ákimi qurylys jergilikti bıliktiń baqylaýynda ekenin atap ótti. Qumar Aqsaqalov ortalyqty jyl sońyna deıin tapsyrý mindetin qoıdy.
Sonymen birge eki balbaqshany paıdalanýǵa berý josparlanǵan. Olardy «Egorovskıe sklady» JShS MJÁ aıasynda salýda. Balabaqshalar qalanyń ıÝbıleınyı jáne Orman aýdandarynda ornalasqan. Mektepke deıingi mekeme 90 jáne 140 orynǵa arnalǵan.
