Petropavlda Nursultan Nazarbaev Vladımır Pýtınmen kezdesti
Kezdesý barysynda taraptar yntymaqtastyqtyń mańyzdy máseleleri men týrızm salasyndaǵy qatynastardy odan ári damytý perspektıvalaryn talqylady.
Memleket basshysy Reseı Federatsııasynyń Prezıdentimen júzdeskende Ujymdyq qaýipsizdik shart uıymy Ujymdyq qaýipsizdik keńesiniń sessııasy tabysty ótkenin aıtty.
Qazaqstan Prezıdenti búgingi óńiraralyq yntymaqtastyq forýmy taqyrybynyń ózektiligin atap ótip, mádenı jáne ekonomıkalyq yqpaldastyq aıasynda týrızm salasyndaǵy yntymaqtastyqty órkendetýdiń mańyzdylyǵyna arnaıy toqtaldy.
V.Pýtın Qazaqstannyń saýda-ekonomıka salasyndaǵy negizgi seriktesterdiń biri ekenin atap ótip, eki jaqty qarym-qatynastardyń joǵary damý qarqynyna nazar aýdardy.
Sonymen qatar, Reseı Federatsııasynyń Prezıdenti týrızm salasyndaǵy eki eldiń yntymaqtastyǵyn odan ári nyǵaıtýdyń áleýeti zor ekenin aıtty.
Kelissózder sońynda memleketter basshylaryna «Baıqońyr» ǵarysh keshenin damytýǵa arnalǵan joba tanystyryldy. Sonymen qatar, Prezıdentterge áleýmettik nysandardyń salyný barysy, ınfraqurylym jelileriniń jóndelý nátıjeleri jáne Baıqońyr qalasyndaǵy turǵyn úı alaptarynyń gazben qamtamasyz etilýi jóninde málimet berildi.
