Petropavlda neshe adam 10 sotyq jerge kezekte tur
PETROPAVL. KAZINFORM – Petropavlda jeke turǵyn úı qurylysy úshin jer ýchaskesine jyl basynan beri 1013 adam kezekke turdy.
Petropavl ákimdigi turǵyn úı-kommýnaldyq sharýashylyǵy bóliminiń málimetinshe, qazirgi ýaqytta 10 sotyq jer alǵysy kelgender sany 23 500-ge jetken. Al turǵyn úı salýǵa bıyl nebary 82 ýchaske berildi.
Oblys ortalyǵynda jeke turǵyn úı salýǵa arnalǵan 10 sotyq jerge kezek 2003 jyly bastaldy. Ol jyldan-jylǵa ósip keledi. 2013 jyldan beri tek 1,5 myńǵa jýyq adam ǵana kópten kútken ýchaskege qol jetkizgen.
Petropavl qalalyq jer qatynastary bólimi mamandarynyń aıtýynsha, 2024 jyly esepke 2 183 azamat alyndy, sol jyly 83 ýchaske turǵyndarǵa berildi. Byltyr 10 sotyq jerge 1 431 adam ótinish berse, tek 46 turǵyn ǵana jerge ıe boldy.
Petropavl qalasy ákimdiginiń qurylys, sáýlet jáne qala qurylysy bóliminiń málimetinshe, «Solnechnyı-2» jáne «Ońtústik» shaǵyn aýdandarynda ınjenerlik ınfraqurylym tartylyp jatyr. Jumys jospar boıynsha bıyl aıaqtalýy tıis. Nátıjesinde 1419 ýchaske beriletin bolady.
Buǵan deıin jer ýchaskesine qatysty sheshimderdi onlaın alýǵa bolatynyn jazǵan edik.
