Petropavlda naýqas balanyń emine jınalǵan aqshany urlaǵan adam ustaldy
PETROPAVL. QazAqparat - Petropavl polıtseıleri naýqas balanyń emine aqsha jınaý úshin qoıylǵan qaıyrymdylyq jáshigin urlaǵan kúdiktini ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Birneshe kún buryn Petropavl qalalyq ІІB-ǵa Potanına kóshesindegi dúkenderdiń birinde sırek kezdesetin aýrýmen aýyratyn 2 jasar balanyń emine aqsha jınaý úshin qoıylǵan qaıyrymdylyq jáshiginiń urlanǵany týraly shaǵym kelip túsken. Polıtsııaǵa sábıdiń anasy habarlady. Jas ana shyǵynnyń naqty somasyn bilmeıdi, alaıda aqshanyń urlanǵanyna qatty tańǵalǵan. Dúkendegi beınebaqylaý kamerasyna jáshikti jas jigittiń kóshege alyp shyǵyp bara jatqany, keıin belgisiz baǵytta jasyrynǵany túsirilgen.
«Jedel-izdestirý sharasy kezinde kúdikti anyqtalyp, ustaldy. Ol Beskól aýdanynyń 18 jasar turǵyny bolyp shyqty. Kúdiktiniń Petropavl qalasynyń turǵyny bolmaǵany izdestirý jumystarynyń alǵashqy kezeńinde qıyndyq týǵyzdy», - dep aıtty qalalyq ІІB bastyǵynyń birinshi orynbasary Asan Meıramov. Kúdiktiniń aııtýynsha, jáshikte 2500 teńge bolyp, ony óz qajetine jumsaǵan. Qazirgi tańda QR Qylmystyq Kodeksiniń 188-baby boıynsha sotqa deıingi tergeý jumystary júrgizilýde. Kúdiktige eshqaıda ketpeý týraly tilhat berildi. 
