Petropavlda muzdaǵy rallı-sprınt ótip jatyr
PETROPAVL. QazAqparat - Petropavl qalasynda rallı-sprınt boıynsha ashyq kýbok ótýde, dep habarlaıdy «QazAqparat» HAA tilshisi.
Qysqy avtosport túriniń áýesqoılary búgin Pestroe kóline jınalyp, óz kólikteriniń kúshin kórsetýde.
Rallı-sprıntke Petropavl qalasynan 14, Kókshetaýdan 6 avtomobıl qatysýda. Ekıpaj ádettegideı júrgizýshi men shtýrmannan turady. Jarysqa arty, aldy jáne arty men aldy birdeı tartatyn kólikter qatysty. Djıpter rallı-sprıntke qatystyrylǵan joq.
Senbi kúni irikteýden ótken sprıntshiler búgin jarys jolyna shyqty. Júrgizýshilerdiń sheberligi alty shaqyrymdyq joldaǵy jyldamdyq pen ýaqyt arqyly anyqtalady. Jarys jolyna bir-bir kólikten shyǵady.
Petropavl avtoáýesqoılary úshin jazǵy jáne qysqy jarystar jyl saıyn dástúrge aınalǵan. Al Pestroe ózeninde rallı-sprınt bıyl birinshi ret ótip tur.
