Petropavlda muz alańdaryn salýǵa 75 mln teńge jumsalmaq
Petropavl qalalyq turǵyn úı-kommýnaldyq sharýashylyǵy, jolaýshylar kóligi jáne avtomobılder joldary bóliminiń málimetinshe, qalany qysqy abattandyrýǵa jáne bezendirýge 75 mln teńgeniń konkýrsy ótti. Bul qarajatqa oblys ortalyǵynyń 5 shaǵyn aýdanynda muz qalashyǵy paıda bolmaq.
«Petropavlda turǵyndar men qala qonaqtarynyń jazǵy ýaqytta bos ýaqyttaryn kóńildi ótkizý úshin bar jaǵdaı jasalǵan. «Jeńis» jáne mádenıet-demalys saıabaǵynda attraktsıondar jumys isteıdi, oıyn alańdary ashylǵan. Al qysta olar jabyq, sondyqtan halyqtyń taza aýada ýaqyt ótkizetin oryndary shekteýli.
Osyǵan oraı jyl saıyn eresekter men balalardyń qysqy mezgildi kóńildi ótkizýi úshin muz alańdary salynady. Ol jerde túrli syrǵanaqtar, muz pishinderi, labırıntter bolady.
Bólingen qarajat muz qalashyqtaryn salýǵa, ony kútip-ustaýǵa, jaryqpen bezendirýge, alańdy muzben qorshaýǵa jáne «Dınamo» stadıonynda muzaıdyndy quıyp, kútip ustaýǵa jumsalady», - deıdi qalalyq bólimniń baspasóz hatshysy Ásem Aıtýlova.
Mamannyń aıtýynsha, shahardy jańa jyldyq bezendirýge qazynadan qarajat qarastyrylmaǵan. Ortalyq alańda shyrshany ornatyp, bezendirý, qalany merekege saı ásemdeý demeýshilerdiń qarjysyna júzege asyrylmaq.
