Petropavlda mobıldi top gaz ballonyn paıdalanýǵa qatysty dámhanalardy tekserdi
PETROPAVL. QazAqparat – Petropavlda quramyna múddeli vedomstvo ókilderi kirgen mobıldi toptar qoǵamdyq tamaqtaný oryndaryn tekserip, gaz ballonyn paıdalanýda zań buzýshylyqty anyqtady, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamentiniń málimetinshe, Petropavlda Internatsıonal kóshesindegi dámhanada bolǵan jarylystan keıin oblys ortalyǵyndaǵy qoǵamdyq tamaqtaný oryndary tekserildi.
Osy maqsatta eki monıtorıng toby quryldy. Olardyń quramyna jergilikti atqarýshy bılik ókilderi, polıtsııa, turǵyn úı-kommýnaldyq ınspektsııa qyzmetkerleri, gaz-tehnıkalyq qyzmet mamandary, kásipkerler palatasynyń jáne oblystyq TJD ókilderi kirdi.
«21 aqpan kúni dámhanada gaz ballony jarylyp, saldarynan 3 adam qaza tapty. Osyǵan baılanysty 2 monıtorıng toby 90-nan astam nysandy tekserdi. Bizdiń maqsat – oqys oqıǵalardyń aldyn alý, eskertý. Óıtkeni elimizde shaǵyn bıznes sýbektilerin tekserýge bolmaıdy, moratorıı jarııalanǵan», - SQO TJD órt sóndirý jáne apattyq-qutqarý jumystary qyzmeti bastyǵynyń orynbasary Nıkolaı Beloýsov.
Monıtorıng barysynda 3 dámhananyń gaz ballonyn qoldanatyny anyqtaldy. Nysan ıeleri eskertý jasaldy..
