Petropavlda meıramhanadan 200 adam evakýatsııalandy
PETROPAVL. QazAqparat - Túnde Petropavldyń órt sóndirý qyzmeti meıramhanadaǵy órtke baılanysty shaqyryldy, dep habarlaıdy QazAqparat tilshisi.
Soltústik Qazaqstan oblystyq tótenshe jaǵdaılar departamenti baspasóz qyzmetiniń aqparaty boıynsha, «Esil» meıramhanasynyń jertólesinde tún ortasynda órt shyqqan. Oqıǵa ornyna birneshe bólimniń órt sóndirýshileri bardy. Meıramhanadan 200 adam evakýatsııalandy. Olardyń ishinde 15 bala bolǵan.
«Meıramhana men jaqyn ornalasqan kópqabatty ǵımarat arasyndaǵy jylý qudyǵynda órt shyqqan. Onda 6 sharshy metrlik alańda qoqys janǵan», - dep habarlady baspasóz qyzmetinen.
Órt jarty saǵattyń ishinde tolyqtaı sóndirildi. Onyń shyǵý sebebi anyqtalyp jatyr.
